Related Posts
Category : National
Morning Story – નારિયળા વેસ્ટમાથી બનાવી બેસ્ટ વસ્તુઅને કરી 8 લાખની આવક તો 40ને રોજગારી પણ
મારિયા કુરિયાકોસની દરેક જગ્યાએ ચર્ચા થઈ રહી છે. પરદેશમાં અભ્યાસ કરી ઘણા વર્ષો સુધી સારી નોકરી કર્યા બાદ, તેમણે પોતાનો ધંધો શરૂ કરવાનું નક્કી કર્યું હતું. ધંધો પણ એવો હતો કે નકામી ગણાતી વસ્તુઓનો ઉપયોગ કરવામાં આવતો હતો. આ કારણે મારિયાએ એવા ઉત્પાદનો બનાવ્યા કે આજે તે હેડલાઈનમાં છે. આ સ્ટાર્ટઅપનું નામ થેંગા છે.
મારિયાનું સ્ટાર્ટઅપ નારિયેળમાંથી ઘરેલું ઉત્પાદનો બનાવે છે. તે માત્ર ઈકો ફ્રેન્ડલી નહીં પણ ખૂબ જ સુંદર છે. માત્ર ચાર વર્ષમાં થેંગા ઉત્પાદનોના વેચાણમાં ઘણો વધારો થયો છે. હવે દર વર્ષે મારિયા 1 કરોડ રૂપિયાના પ્રોડક્ટ વેચે છે.
નાળિયેરમાંથી બનાવેલ ઉત્પાદનો લાકડામાંથી બનેલા પ્રોડક્ટ જેવા લાગી રહ્યા છે. તે માત્ર ટકાઉ જ નથી, દેખાવમાં પણ ખુબ જ સુંદર છે. તેને બનાવવામાં કેમિકલનો ઉપયોગ કરવામાં આવતો નથી. ઉત્પાદનને ચમકાવવા માટે, તેને નાળિયેર તેલથી ઘસવામાં આવે છે.
મારિયા હાલ તેના સ્ટાર્ટ દ્વારા 40 કર્મચારીઓને રોજગાર આપી રહી છે. તેમની કંપનીમાં મોટા હોદ્દા પર મહિલાઓ જ કામ કરી રહી છે. ઐશ્વર્યા પ્રભાકર એકાઉન્ટ મેનેજરના પદ પર છે, સુમિતા અનૂપ કામગીરીની જવાબદારી પોતાના પર રાખે છે. જ્યારે સિંધુ પેકેજિંગનું કામ પણ તે જુએ છે.
મારિયાને ભારતમાં આયોજિત જી 20 કોન્ફરન્સના કોવલમમાં આયોજિત એક કાર્યક્રમમાં વિદેશી લોકોને પોતાના ઉત્પાદનો રજૂ કરવાની તક મળી હતી. મારિયા કહે છે કે વિદેશી પ્રતિનિધિઓને તેમની પ્રોડક્ટ અને પહેલ બંને ખૂબ ગમી હતી.
થેંગાનો 65 સ્ટાર્ટઅપ્સમાં સમાવેશ થાય છે જેને ઇન્ડિયન ઇન્સ્ટિટ્યૂટ ઑફ મેનેજમેન્ટ, બેંગ્લોર દ્વારા સપોર્ટ માટે પસંદ કરવામાં આવ્યા છે. આઈઆઈએમ બેંગ્લોર થેંગા ટીમના લોકોને ધંધો વધારવા અને આવક વધારવાની યુક્તિઓ શીખવી રહ્યું છે.
Load more
